کراچی (نیوز ڈیسک) کراچی کے علاقے گلشن معمار واقع فارم ہا ئو س میں 16 سالہ لڑکی کو نشہ آور چیز پلا کر زیادتی کا نشانہ بنانے والے تین لڑکوں نے متاثرہ لڑکی کو بے ہوشی کی حالت میں عباسی شہید اسپتال پہنچا دیا ، طبی معائنے کے بعد اس سے زیادتی ثابت ہو گئی۔ایس ایس پی ملیر منیر شیخ کے مطابق لانڈھی کی رہائشی 16سالہ لڑکی گھر والوں سے ناراض ہو کر اپنے دوست شاہ رخ اور اس کے دوستوں کے ہمراہ گلشن معمار میں واقع فارم ہا ئو س پہنچ گئی جہاں شاہ رخ کے دوست فیضان نے اس کو نشہ آور

چیز پلادی۔متاثرہ لڑکی نے اپنے ابتدائی بیان میں پولیس کو بتایا کہ اس کے تینوں دوست معاذ ، شاہ رخ اور احسن نے ایسا کرنے پر فیضان کو تشدد کا نشانہ بنایا اور اسے اسپتال پہنچایا۔دوسری جانب عباسی شہید اسپتال کی خاتون ایم ایل او ڈاکٹر سمعیہ نے لڑکی کے ساتھ زیادتی کی تصدیق کردی ہے جب کہ نشانہ آوور ادویات کی معلومات کے لئے خون کے نمونے کیمیکل ایگزامنیشن کو بھیج دئے گئے ہیں۔پولیس نے لڑکی کو اسپتال پہنچانے والے تینوں لڑکوں کو بھی گرفتار کر لیا جب کہ فیضان نامی لڑکا موقع سے فرار ہوگیا۔

موضوعات:16 سالہ لڑکی جنسی زیادتی