راولپنڈی(سی پی پی)سابق وزیراعظم میاں نوازشریف اڈیالہ جیل میں زیادہ تر وقت عبادت میں گزارتے ہیں ۔اڈیالہ جیل میں اپنے قائد سے ملاقات کرنیوالے مسلم لیگ(ن) کے ایک سینئر رہنما نے سی پی پی کو بتایا کہ میاں محمد نواز شریف اڈیالہ جیل میں زیادہ تر اپنا وقت نماز ،نوافل اور قرآن پاک کی تلاوت میں گزارتے ہیں اور وہ پہلے کی طرح باقاعدہ سے پانچ وقت کی نماز بھی ادا کررہے ہیں۔انہوں نے بتایا

کہ میاں نواز شریف کی یہ مشکلات اللہ اور عوام کی دعاؤں سے جلد گزر جائیں گی ۔واضح رہے کہ سابق وزیراعظم نوازشریف ، ان کی صاحبزادی مریم نواز اور داماد کیپٹن(ر)صفدر کو ایون فیلڈ ریفرنس میں بالترتیب 10 ، سات اور ایک سال کی سزائیں سنائی گئی تھیں اور میاں نوازشریف نے لندن سے پاکستان آکر خود گرفتاری دی تھی جس کے بعد انہیں اڈیالہ جیل میں رکھا گیا ہے ۔

موضوعات:نوازشریف