کوئٹہ(مانیٹرنگ ڈیسک) معروف کرکٹر شاہد آفریدی نے کوئٹہ میں ساراوان ہاؤس کا دورہ کیا اور خودکش حملے میں شہید سراج رئیسانی کے اہلخانہ سے تعزیت کی اور شہید کے درجات کے بلندی کے لئے فاتحہ خوانی کی اور سی ایم ایچ کوئٹہ میں دھماکے کے زخمیوں کی عیادت بھی کی ۔ تفصیلات کے مطابق قومی کرکٹ ٹیم کے سابق کپتان شاہد خان آفریدی نے مستونگ خودکش حملے میں شہید ہونے والے سراج رئیسانی کے لواحقین سے تعزیت کی اور شہید کے درجات کی بلندی اور
مغفرت کے لئے فاتحہ خوانی بھی کی۔ شاہد خان آفریدی سی ا یم ایچ کوئٹہ بھی گئے جہاں پر انہوں نے دھماکے میں زخمی ہونے والوں کی عیادت کی۔ اس موقع پر انہوں نے کہا کہ سانحہ مستونگ نے پوری قوم کو سوگوار کر دیا ہے میں دھماکے کے تمام زخمیوں کی جلد صحتیابی کے لئے دعاگو ہوں اور پوری قوم دہشتگردی کے بزدلانہ حملوں کا ڈٹ کر مقابلہ کرے گی ۔
