اسلام آباد (مانیٹرنگ ڈیسک) صحافیوں کو نواز شریف کے اڈیالہ جیل میں ہونے والے ٹرائل کیلئے اجازت دیدی گئی۔ تفصیلات کے مطابق آج احتساب عدالت اسلام آباد میں جب جج محمد بشیر العزیز ریفرنس کی سماعت کیلئے پہنچے تو اس موقع پر ان کی صحافیوں کیساتھ غیر رسمی گفتگو ہوئی۔ ایک صحافی نےجج محمد بشیر سے کہا کہ کیا نواز شریف کےجیل ٹرائل کے دوران میڈیا کو کوریج کی اجازت ہو گی،
جیل کے باہر کھڑے ہو کر مستند رپورٹنگ نہیں ہو سکتی ؟ اس موقع پر صحافیوں نے جج محمد بشیر سے مطالبہ کیا کہ صحافیوں کو نواز شریف کے اڈیالہ جیل میں ہونیوالے ٹرائل کی کوریج کی اجازت دی جائے۔ صحافیوں کے مطالبے پر جج محمدبشیر نے کہا کہ صحافیوں کو نواز شریف کا جیل میں ٹرائل کرنے کی اجازت ہو گی اور ان صحافیوں کے لیے پاس بنوائے جائیں گے۔
