راولپنڈی(مانیٹرنگ ڈیسک)گورنر سندھ محمد زبیر، اور چیئرمین مسلم لیگ ن راجہ ظفر الحق سابق وزیراعظم نوازشریف سے ملاقات کرنے اڈیالہ جیل پہنچ گئے۔واضح رہے کہ اڈیالہ جیل انتظامیہ کی جانب سے بیان میں کہا گیا تھا کہ اڈیالہ جیل میں قیدیوں سے ملاقات کیلئے جمعرات کا دن مقرر ہے اس لئے ن لیگ کے رہنما اپنے قائد سے جمعرات کے روز ملاقات کر سکتے ہیں۔گورنر سندھ قائد ن لیگ سے ملاقات کیلئے صبح سویرے اڈیالہ جیل پہنچ گئےجبکہ راجہ ظفر الحق بھی تھوڑی دیر بعد اڈیالہ جیل پہنچے جہاں وہ مریم نواز اور کیپٹن صفدر سے بھی ملاقات کریں گے