لاس اینجلس (این این آئی)ہالی وڈ کی مشہورو معروف فلموں میں جلوہ گر ہونے والے ناموراداکار مارک ہیمل کو ہالی وڈ کی ہال آف فیم شخصیات میں شامل کر لیا گیا جن کے نام کا ستارہ واک آف فیم میں نصب کر دیا گیا ہے۔بلاک بسٹر فلموں کے نامور کرداروں میں اپنی آواز کا جادو جگانے والے اداکار اور رائٹر 66سالہ مارک ہالی وڈ کی
واک آف فیم میں شامل ہونیوالی 2ہزار630 ویں شخصیت ہیں ٗمارک نے کئی سپر ہٹ فلموں میں اپنی صلاحیتوں کے جوہر دکھا کر شائقین کو محظوظ کیا۔تقریب میں مارک کے مداحوں کی بڑی تعداد موجود تھی جبکہ نامور اداکاروں کے ساتھ اسٹار وارز فلم کے کردار بھی موجود تھے جو مارک کو مبارکباد دینے تقریب میں شریک ہوئے ۔
