ممبئی (این این آئی)بالی ووڈ فلم’’پری‘‘ابھی سنیما گھروں میں نمائش کیلئے پیش نہیں کی گئی مگر اس نے اپنی لاگت پوری کر لی ہے۔خوفناک مناظر سے بھرپور بالی ووڈفلم ’پری‘پروڈیوسرز کے لیے خسارے کا سودا ہرگز نہیں ہے،فلم پری 10کروڑ میں بنی اور 8کروڑ اس کی پبلسٹی پر صرف ہوئے مگرپروڈیوسرز اس کے 10 کروڑ
پہلے ہی ریکورکر چکے ہیں اور فلم کے سیٹلائٹ رائٹس 10 کروڑمیں بیچ دیے ہیں ۔رونگٹے کھڑے کردینے والے ٹیزرز او رٹریلرز نے فینز میں’پری‘دیکھنے کا تجسس کچھ اور بھی بڑھا دیا ہے کیونکہ اسے ہولی کے موقع پر ریلیز کیا جارہا ہے توفلم کا بزنس بھی اچھا ہونے کی توقع ہے۔واضح رہے کہ فلم ’’پری‘‘ میںانوشکا شرمامرکزی کردار ادا کر رہی ہیں اور وہ اس فلم کی ’کوپروڈیوسر‘بھی ہیں ۔
