ممبئی(این این آئی) بالی ووڈ کے ایکشن ہیرو ہریتھک روشن نے دنیا کے پرکشش اداکار ہونے کا اعزاز اپنے نام کر لیا۔ورلڈ ٹاپ موسٹ ویب سائٹ کے مطابق دنیا کے سب سے زیادہ 10 پرکشش اداکاروں کے درمیان مقابلہ کرایا گیا جس میں ہالی ووڈ کے نامور اداکاروں کے ساتھ ساتھ بالی ووڈ کے 2 اداکاروں کے نام شامل تھے جب کہ ٹاپ 5 میں ہالی ووڈ کے 3 اور بالی ووڈ کے دو اداکاروں کے درمیان کانٹے دار مقابلہ رہا
اور ٹاپ 5 اداکاروں کی فہرست میں ہریتھک روشن نے ہالی ووڈ کے نامور اداکاروں سمیت سلمان خان کو بھی پیچھے چھوڑتے ہوئے دنیا کے پرکشش ترین اداکار ہونے کا اعزاز اپنے نام کرلیا۔فہرست کے مطابق پہلے نمبر پر بالی ووڈ کے سپر اسٹار ہریتھیک روشن ، دوسرے نمبر پر روبرٹ پٹنسن، تیسرے نمبر پر گارڈ فرے گاو?، چوتھے نمبر پر کرس عیون اور پانچویں نمبر پر سلمان خان پرکشش اداکار کے طور پر شامل رہے۔10 جنوری 1974 کو پیدا ہونے والے ہریتھیک روشن بالی میں ایکشن ہیرو کے طور پر پہچانے جاتے ہیں اور اپنی دلفریب شخصیت اور اداکاری کی وجہ سے کئی فلم فیئر ایوارڈ بھی اپنے نام کر چکے ہیں۔جبکہ اس لسٹ میں کسی پاکستانی کو شامل نہیں کیا گیا ۔
