لاہور(سی پی پی) اداکارہ وماڈل مہرین سید نے کہا ہے کہ معیاری فلم کیلیے سرمایہ ہی نہیں بہترین کہانی بھی ضروری ہے۔ایک پاکستانی جریدے کو دیئے گئے انٹرویو میں انہوں نے کہا کہ فلم کی کہانی، لوکیشنز اورمیوزک کے علاوہ ڈائیلاگ کا جاندارہونا بھی بے حد ضروری ہے۔ یہی نہیں فلم کی شوٹنگ مکمل ہونے کے بعد اگراس کی پروموشن کے لیے ایک اچھی مہم ترتیب نہ دی جائے توبھی فلم کوخاصا نقصان پہنچتا ہے۔
جدید دورکے جدید تقاضے ہیں، جوبھی ان کے مطابق کام کرے گا ، وہ کامیاب ہوگا۔اداکارہ نے کہا کہ جب بھی فلم کی کاسٹ اورپوری ٹیم مل کرکسی پراجیکٹ کی تشہیری مہم چلاتی ہے تواس کے مثبت نتائج سامنے آتے ہیں۔ بلاشبہ سوشل میڈیا بھی آج کی اہم ضرورت بن چکا ہے، اس لیے میرے نزدیک توانٹرنیشنل مارکیٹ تک پہنچنے کے
لیے بہترین پروموشنل مہم کا چلانا بہت ضروری ہے۔ انہوں نے کہا کہ ایک فلم کی پروموشن کے لیے اب تو دنیا بھرمیں کروڑوں روپے کا بجٹ رکھا جاتا ہے۔ اس لیے ضروری ہے کہ نوجوان فلم میکر انٹرنیشنل مارکیٹ تک رسائی کے لیے مثبت اقدامات کریں۔
