ممبئی(مانیٹرنگ ڈیسک)بالی ووڈ اداکارسیف علی خان کی بہن اداکارہ سوہا علی خان کے ہاں بیٹی کی پیدائش ہوئی ہے۔اداکارہ سوہاعلی خان کے ہاں بیٹی کی پیدائش کی اطلاع ان کے اداکارشوہرکنال کھیمو نے سماجی رابطوں کی ویب سائٹ ٹوئٹرپر مداحوں کو دی۔کنال کھیمو نےاپنے پیغام میں اپنی خوشی کی انتہا کوظاہرکرتے

ہوئے اپنی بچی کی پیدائش کا بتایا اور مداحوں کے پیارپران کا شکریہ ادا کیا۔بالی ووڈ اداکارہ پریناکا چوپڑہ نے بھی یہ خبر سن کر بہت خوشی کا اظہار کیا اور ٹوئٹر پرسوہا اور کنال کھیمو کو مبارکباد دی۔اس سے قبل اداکارہ کی جانب سے شوہرکنال کھیمو کی تعریف کرتے ہوئے کہا گیا تھا کہ وہ دونوں گزشتہ 9 سال سے ساتھ ہیں اور اس دوران کنال نے انہیں کبھی بھی اکیلا نہیں چھوڑا اور ان کا ہر صورتحال میں ساتھ دیا جس کے باعث وہ ایک بہترین ساتھی ہیں جنہوں نے ان کا بہت زیادہ خیال رکھا۔واضح رہے کہ سوہا علی خان اور کنال کھیمو کی شادی 2 سال قبل 2015 میں ہوئی تھی۔کنال نے ٹوئٹ میں بتایا کہ سوہا اور ان کی بیٹی دونوں صحت مند ہیں اور تمام لوگوں کی نیک تمناوں پر شکریہ بھی ادا کیا۔ اداکاروں کی جوڑی کو بالی وڈ شخصیات کی جانب سے مبارکباد کے ڈھیروں پیغامات وصول ہو رہے ہیں۔سوہا علی کا اپنے شوہر کنال سے متعلق کہنا تھا کہ انہوں نے ہمیشہ ان کاخاص خیال رکھا ہے اور کبھی انہیں تنہا نہیں چھوڑا جب کہ کنال نے اپنی اہلیہ کی خدمات کو بھی خوب سراہا تھا۔

We are over the moon to share we have been blessed with a beautiful baby girl on this auspicious day Thank you for the love&blessings

— kunal kemmu (@kunalkemmu) September 29, 2017

موضوعات:سیف علی خان