ممبئی (این این آئی) بالی ووڈ اداکارہ شبانہ اعظمی کی والدہ نے انکشاف کیا ہے کہ ان کی بیٹی نے بچپن میں خودکشی کی کوشش کی تھی۔ مشہور بھارتی اداکارہ اور نامور شاعر و فلمساز جاوید اختر کی اہلیہ شبانہ اعظمی کی والدہ شوکت کیفی نے اپنی سوانح حیات میں انکشاف کیا کہ ان کی بیٹی نے بچپن میں خود کشی کی کوشش کی،
انہوں نے سوانح حیات میں لکھا شبانہ کو لگتا تھا کہ میں اس کے چھوٹے بھائی کو زیادہ پیار کرتی ہوں۔ انہوں نے مزید لکھا کہ ایک دفعہ جب میں نے شبانہ کو خراب رویے کی وجہ سے گھر چھوڑنے کا کہا تو شبانہ ریلوے سٹیشن چلی گئی، جہاں اس نے ٹرین کے سامنے آکر خودکشی کرنے کی کوشش کی تاہم وہاں موجود چوکیدار نے شبانہ کو بچا لیا۔
