اسلام آباد(این این آئی)بالی ووڈ کی بے باک اداکارہ راکھی ساونت کے ناقابل ضمانت وارنٹ گرفتاری جاری کردیئے گئے۔بھارتی میڈیا رپورٹس کے مطابق لدھیانہ کی ایک عدالت نے سیج والمکی کمیونٹی کیخلاف توہین آمیز الفاظ استعمال کئے تھے جس پر اداکارہ کے وارنٹ گرفتاری جاری کئے گئے ہیں۔راکھی ساونت کے توہین آمیز بیان کے ردعمل میں لدھیانہ میں مظاہرے شروع ہوگئے تھے
اور مظاہرین کی جانب سے اداکارہ کو فوری طور پر گرفتار کرنے کا مطالبہ کیا گیا تھا جبکہ اسی تناظر میں ایک مقامی عدالت نے9 مارچ کو راکھی ساونت کے وارنٹ گرفتاری جاری کئے تھے اور ریمارکس دیئے تھے کہ اداکارہ کے بیان سے والمکی کمیونٹی کے جذبات کو ٹھیس پہنچی تاہم راکھی ساونت ان تمام الزامات کی تردید کرتے ہوئے کہا کہ انہوں نے ایسا کوئی بیان نہیں دیاتاہم پھر بھی اپنے تمام بہن بھائیوں سے معذرت چاہتی ہوں کیونکہ میرا ارادہ کسی کو ٹھیس پہنچانا نہیں تھا۔
