لاس اینجلس(مانیٹرنگ ڈیسک) رمضان المبارک کی آمد پر جہاں کینیڈین وزیر اعظم جسٹن ٹروڈیو اور بالی وڈ اداکاروں نے مسلم اُمہ کو مبارکباد پیش کی وہیں سوشل میڈیا پر ہالی وڈ اسٹارز کی ایک ویڈیو بھی وائرل ہوئی ۔ امریکی فنکارون ڈیزل نے سوشل میڈیا پر ایک ویڈیو پیغام جاری کیا جس میں انہوں نے رمضان المبارک کی آمد پرمسلم امہ کو مبارکباد پیش کی ہے۔ اپنے ویڈیو پیغام میں انہوں نے رمضان المبارک میں مسلمانوں کے
نظم و ضبط کی بھی تعریف کی ۔تفصیلات کے مطابق معروف ہالی ووڈ فنکار ون ڈیزل کی امریکن ہپ ہوپ آرٹسٹ فرنچ مونٹانا کے ساتھ بنائی گئی ایک ویڈیو وائرل ہورہی ہے جس میں وہ اپنے مداحوں سمیت دنیا بھر کے مسلمانوں کو رمضان کی مبارک باد دیتے نظر آرہے ہیں۔ون ڈیزل نےاس ویڈیو کے ذریعے مسلمانوں کورمضان کی مبارک باد دیتے ہوئے اس بات کا فخریہ اعتراف کیا کہ ان کا بھائی رمضان کے روزے رکھ رہا ہے ۔انہوں نے رمضان کے دوران طویل مدت تک پر ہیزگاری اختیار کرنے کی تعریف کرتے ہوئے کہا کہ روزے کا تصور بہت ہی طاقتور ہے اور یہ تمام لوگوں کیلئے بہت اچھا ہے ہر کسی کو اپنی زندگی میں ایک بار یہ تجربہ ضرور کرنا چاہئے۔اس ویڈیومیں انکے بھائی فرنچ مونٹانانے بھی گفتگوکی اورکہاکہ میری کوشش ہے کہ میں روزےرکھ رہاہوں اورمیرے ساتھ میرابھائی بھی رمضان المبارک میں روزے رکھے ۔یہ میری دلی خواہش ہے ۔ون ڈیزل کے بھائی کاکہناتھاکہ مسلمان خوش قسمت ہیں کہ ان کواپنے جسم اورروحانی طورپرپاگیزہ ہونے کےلئے ایک مکمل ماہ بھی ملتاہے جس میں ان کاڈسپلن بھی بہت ہی عمدہ اورقابل تحسین ہوتاہے اورمجھے یہ سب کچھ دیکھ بہت ہی خوشی ہوتی ہے ۔
