لاہور ( این این آئی )اداکارہ مدیحہ شاہ نے بھارتی فلم میں کام کرنے کی آفر ٹھکرا دی ۔ تفصیلات کے مطابق اداکارہ مدیحہ شاہ حالیہ دنوں میں انگلینڈ گئی تھیں جہاں ان کو بھارتی فلمساز رمیش کمار اگروال نے اپنی فلم میں کام کرنے کی پیشکش کی مگر اداکارہ نے فلم میں کام کرنے سے معذرت کرتے ہوئے کہاکہ مجھے جتنے مرضی پیسوں کی آفر کریں لیکن میں پھر بھی صرف اپنے ملک کی فلموں میں کام کرنا پسند کروں گی اور
ویسے بھی بھارت میں جب ہمارے فنکاروں کی ضرورت ہوتی ہے تو انکے نخرے تک اٹھائے جاتے ہیں اور جب حالات خراب ہوں تو بھارت کی انتہا پسند جماعتیں ہمارے فنکاروں کو وہاں کام کرنے نہیں دیتی ، اس طرح کے ملک میں کام کرنا میرے لیے مشکل ہے اور ویسے بھی میری اولین ترجیح پاکستان ہے ۔کیونکہ دنیا میں ہماری شناخت پاکستان کے دم سے ہے ۔
