لاہور(مانیٹرنگ ڈیسک)معروف پاکستانی گلوکار علی ظفر نے پی ایس ایل فائنل کی اختتامی تقریب میں بلا معاوضہ پرفام کرکے پاکستانیوں کے دل جیت لئے۔ تفصیلات کے مطابق علی ظفر نے پی ایس ایل اختتامی تقریب میں پرفارم نہ کرنے کا اپنا فیصلہ واپس لیتے ہوئے تقریب میں شاندار پرفارمنس دی۔ اس حوالے سے علی ظفر
کا کہنا تھا کہ پہلے میں نے مصروفیات کی بنا پر پرفارم نہ کرنے کا فیصلہ کیا تھا لیکن جب مداحوں کی مایوسی دیکھی تو میں آخری لمحات میں میدان میں آنے کیلئے تیار ہوگیا۔ علی ظفر کا کہنا تھا کہ پی ایس ایل فائنل کا دن میرے اور میرے ملک کیلئے انتہائی بڑا دن تھا۔ مجھے خوشی ہے کہ سب کچھ بہتر طریقے سے انجام کو پہنچ گیا۔
