ممبئی(مانیٹرنگ ڈیسک) بالی ووڈ میں یوں تو کئی ایک سے ایک خوبصورت چہرے ہیں جن کے چہرے کی وجاہت دل موہ لیتی ہے تاہم ان میں سے کچھ ایسے بھی ہیں جو عہد رفتہ کی یاد تازہ کر دیتے ہیں ۔ یونانی لوگوں سے ملتی جلتی شکل ، گہری آنکھیں ، لمبا قد اور بال تو ہو بہو یونا ن کے انتہائی خوبصورت مردوں جیسے ۔ جی ہاں یہ کوئی اور نہیں
سب کے پسندیدہ ہریتھک روشن ہیں ۔ بالی ووڈ اسٹار ہریتھک روشن نے حال ہی میں اپنی فلم ’’کابل‘‘ میں نابینا شخص کا کردار ادا کیا ہے اور فلم باکس آفس پر ’’رئیس‘‘ سے مقابلے کے باعث کوئی خاطر خواہ کامیابی حاصل نہیں کرسکی لیکن فلم میں نابینا افراد کے مسائل کو قریب سے دیکھنے کے بعد ایکشن ہیرو نے زندگی کا سب سے بڑا فیصلہ کرلیا ہے۔بھارتی میڈیا رپورٹس کے مطابق ہریتھک روشن اپنی خوبصورت آنکھوں کے باعث کئی بار پرکشش شخصیت کا اعزاز اپنے نام کرچکے ہیں لیکن اب انہوں نے فلم ’’کابل‘‘ میں نابینا افراد کے مسائل کو قریب سے سمجھنے کے بعد ’’بعد از مرگ‘‘ اپنی آنکھیں عطیہ کرنے کا فیصلہ کیا ہے جب کہ انہوں نے اپنے فیصلے سے آنکھوں کے چیریٹی اسپتال کوبھی آگاہ کردیا ہے۔دوسری جانب فلم ’’کابل‘‘ کی ٹیم اس فیصلے کو تشہیری مہم میں استعمال کرنے کی خواہش مند تھی لیکن ہریتھک روشن نے اپنے فیصلے کی تشہیرسے منع کردیا تھا۔واضح رہے کہ ہریتھک روشن کے علاوہ امیتابھ بچن، جیا بچن، یشوریا رائے بچن اور رندیپ ہودا سمیت متعدد اداکار بعد از مرگ اعضا عطیہ کرنے کااعلان کرچکے ہیں۔واضح رہے کہ عطیہ اور صدقات کے حوالے سے مسلمان مشہور ہیں ۔ مگر ہندواداکاروں کے اس فیصلے سے مسلمان بھی حیران ہیں ۔
