لاہور (آئی این پی)20ممالک کے سفارتکاروں کی بیگمات چھا گئی،لاہور تقریب میں ایسا کام کر دیا کہ سب کو جھومنے پر مجبورہو گئے, لاہور میں سجا فیشن کا منفرد میلہ۔ ریمپ پر واک تو ہوئی لیکن ماڈلز کی نہیں بیس ممالک کے سفارتکاروں اور ان کی بیگمات کی جو پاکستانی رنگوں میں رنگ گئے۔تفصیلات کے مطابق رنگ برنگے کڑھائی والے پاکستان کے مختلف علاقوں کے روایتی لباس زیب تن کئے بیس ممالک کے سفارتکار اور ان کی بیگمات کی ریمپ پر اینٹری ہوئی تو ان کا خوب استقبال کیا گیا۔امریکہ، جاپان، سری لنکا، ڈنمارک، جرمنی، تھائی لینڈ اور دیگر ممالک کا سفارتی عملہ بھی فیشن شو کا حصہ بنا اور خوب رونقیں بڑھائیں اور پاکستانی دھنوں پر جھومتے گاتے رہے۔ جگمگاتی روشنیوں میں سفارتکاروں نے دل کھول کر پاکستان سے اپنی محبت کا اظہار کیا۔ اس طرح فیشن شو شاندار طریقے سے اختتام پذیر ہوا۔

موضوعات:بیگمات سفارتکار