ممبئی(مانیٹرنگ ڈیسک)بالی ووڈ مشہور اداکارہ کرینہ کپور نے کہاہے کہ وہ اپنے ہاں بیٹی کی پیدائش چاہتی ہیں کیونکہ وہ خودایک خاتون ہیں اوراسی وجہ سے وہ اپنی اولادبھی بیٹی ہی چاہتی ہیں۔بھارتی میڈیارپوٹس کے مطابق کرینہ کپورکے ہاں آئندہ چند ماہ میں ننھے مہمان کی آمد ہونے والی ہے لیکن اس کے باوجود وہ آرام کے بجائے ناصرف بھرپور طریقے سے اداکاری اور ماڈلنگ کررہی ہیں بلکہ ان کا کہنا ہے کہ وہ بچے کی ولادت کے بعد بھی آرام کے بجائے کام کو ترجیح دیں گی۔کرینہ کپورنے اس کی وجہ یہ بتائی کہ مستقبل کی ماں ہونے کے ناطے وہ جنس کی بنیاد پر انسانوں کے درمیان فرق کے خاتمے کے لیے کردار ادا کرنا چاہتی ہیں اور ان کے لئے اس سے زیادہ بڑی خوشی کوئی بڑی بات نہیں کہ ان کی ہونے والی اولاد بھی اس تحریک کاحصہ بنے۔