واشنگٹن (این این آئی)ایکس کے مالک ایلون مسک نے نئے بینکنگ اور پیمنٹس پلیٹ فارم کو لانچ کرنے کی تیاری شروع کردی
جو ایکس کو ایک ایوری تھنگ ایپ میں بدلنے کے منصوبے کا حصہ ہے۔بلومبرگ کی رپورٹ کے مطابق ایکس منی نامی اس مالیاتی فیچر کا محدود آغاز آئندہ دنوں میں متوقع ہے، تاہم ریگولیٹری رکاوٹیں اب بھی اس کی راہ میں حائل ہیں۔ایکس پہلے ہی امریکا کی درجنوں ریاستوں میں لائسنس حاصل کر چکا ہے جبکہ کمپنی گزشتہ سال ویزا کیساتھ شراکت داری کا اعلان کر چکی ہے تاکہ ڈیجیٹل والیٹ اور پیئر ٹو پیئر پیمنٹ سروس کو سپورٹ کیا جا سکے۔اطلاعات کے مطابق یہ فنانشل سروس پلیٹ فارم زبردست فوائد بھی پیش کرے گا، جن میں 6فیصد منافع والا سیونگ اکائونٹ اور کچھ ٹرانزیکشنز پر 3فیصد کیش بیک شامل ہیں۔میڈیا رپورٹ کے مطابق ایلون مسک نے 2023 ء میں ٹوئٹر کا نام بدل کر ایکس رکھنے کے کچھ ہی مہینوں بعد ایک ایوری تھنگ ایپ بنانے کا ارادہ ظاہر کیا تھا۔
