کراچی(این این آئی)کراچی کے طلبہ نے ملک کا نام روشن کردیا، ٹوکیو بائیو روبوٹک کمپٹیشن میں طلبہ نے تیسری پوزیشن حاصل کرلی۔بائیو میڈیکل انجینئرنگ سے تعلق رکھنے والے تین پاکستانی طلبہ مرزا اریب بیگ، زرش ماجد شیخ اور سیدہ فاخرہ نے ملکر ایک پروجیکٹ بنایا ہے جسے روبوٹک گراسپر انٹیی گریٹڈ وتھ ہیپٹک فیڈ بیک میکنزم کا نام دیا گیا ہے، یہ سرجری کے حوالے سے ڈاکٹرز کے لیے مددگار ثابت ہوگا۔

اس روبوٹ کے باوز ہیں جبکہ اس کے آگے روبوٹک گراسپر بھی لگا ہوا ہے اور ایک ہینڈ ویئر ڈوائس بھی اس کے ساتھ منسلک ہے۔طلبہ کی جانب سے اس پروجیکٹ کو جاپان میں منعقد ہونے والے آئی ای ای ای ریجن 10 روبوٹکس کمپٹیشن میں پیش کیا گیا جہاں ان کی اس کاوش کو کافی سراہا گیا۔اس کمپٹیشن میں پاکستان بھر کی یونیورسٹی سے تعلق رکھنے والے طلبہ نے حصہ لینے کیلیے اپنے پروجیکٹ بھیجے تھے تاہم سلیم حبیب یونیورسٹی سے تعلق رکھنے والے تینوں طلبہ کے پروجیکٹ کو مقابلے کے لیے منتخب کیا گیا۔روبوٹک مقابلے میں بھارت کی بھی چار ٹیمں شامل تھیں جبکہ مجموعی طور پر 10 ممالک کے طلبہ نے جاپان میں منعقدہ بائیومیڈیکل انجینئرنگ مقابلے میں حصہ لیا۔