اسلام آباد (مانیٹرنگ ڈیسک) چینی کمپنی میزو نے پاکستان میں پہلی بار ڈوئل ٹچ اسکرین والے فلیگ شپ فونز متعارف کرا دیئے ہیں جس میں فرنٹ کے ساتھ بیک پر بھی ڈسپلے دیا گیا ہے۔ درحقیقت سام سنگ، ایپل یا کسی بھی کمپنی کا کوئی بھی فون ایسا نہیں جس میں فرنٹ اور بیک پر ڈسپلے اسکرین دی گئی ہو۔ یعنی آپ اس فون میں پرفیکٹ سیلفی بیک کیمروں سے بھی لے سکیں گے۔
فرنٹ کے ساتھ بیک ڈسپلے والا پہلا فون پر7میزو پرو 7 5.2 انچ کی آئی پی ایس سپر امولیڈ فرنٹ اسکرین کے ساتھ ہے جبکہ بیک پر سیکنڈری ڈسپلے 1.9 انچ امولیڈ اسکرین کے ساتھ ہے۔اس فون میں 3000 ایم اے ایچ بیٹری، 4 جی بی ریم، 64 جی بی اسٹوریج، اوکٹا کور میڈیا ٹیک ہیلیو پی25 پراسیسر دیا گیا ہے۔فون کے بیک پر 12، بارہ میگا پکسل کے 2 کیمرے ایف 1.9 آپرچر اور ڈوئل ٹون ایل ای ڈی فلیش کے ساتھ دیئے گئے ہیں جبکہ فرنٹ پر 16 میگا پکسل کیمرہ ایف 2.0 آپرچر کے ساتھ ہے۔ اس فون کی قیمت پاکستان میں 45 ہزار 999 روپے رکھی گئی ہے۔ کیا یہ ثابت ہوگا سب سے منفرد فون؟ پرو 7 پلس اس فون میں فرنٹ پر 5.7 آئی پی ایس سپور امولیڈ جبکہ بیک پر 1.9 انچ کی امولیڈ اسکرین دی گئی ہے۔ پرو سیون کے مقابلے میں اس میں سکس جی بی ریم ہے جبکہ اسٹوریج 64 جی بی ہے۔ پرو سیون پلس میں ڈیکا کور پراسیسر دیا گیا ہے جبکہ فرنٹ اور بیک پر کیمرہ سیٹ اپ پرو سیون جیسا ہی ہے۔ اس میں 3500 ایم اے ایچ بیٹری کے ساتھ ڈوئل سم کا آپشن بھی ہے جبکہ اس کی قیمت 59 ہزار 999 روپے رکھی گئی ہے۔
