اسلام آباد(مانیٹرنگ ڈیسک) بھارتی ہیکرز کی جانب سے حکومت پاکستان کی ویب سائٹ ہیک کرلی گئی۔ایکسپریس نیوزکے مطابق بھارتی ہیکرزکی جانب سے حکومت پاکستان کی ویب سائٹ ہیک کرکے ویب سائٹ پربھارتی ترنگا اورترانہ لکھ دیا،حکومت پاکستان کی ویب سائٹ میں مختلف وزارتوں سے متعلق معلومات موجود ہیں۔تازہ میـڈیا رپورٹس کے مطابق بھارتی ہیکرز کے حملےکا جواب دیتے ہوئے اب پاکستانی ہیکرزنے بھارتی حکومت کی ویب سائٹ ہیک کرلی ہے۔پاکستانی ہیکرزنے انتہائی قلیل وقت میں ہی
بھارتی ہیکرزکے پاکستانی حکومت کی ویب سائٹ پر حملے کا جواب دیتے ہوئے بھارتی ویب سائـٹ پر بھارتی ہیکرز کی جانب سے کئے گئے پروپیگنڈے کا نہ صرف جواب دیا ہے بلکہ اسے پاکستانی ہیکرز کی جانب سے بھارتی ہیکرز کو ایک سخت جواب بھی سمجھا جا رہا ہے۔ تازہ موصول ہونیوالی اطلاعات کے مطابق پاکستانی ہیکرز اس وقت بھی بھارتی حکومت کی ویب سائٹ پر اپنا قبضہ بھرپور طریقے سے جمائے ہوئے ہیں جس کو چھڑانے کیلئے بھارتی ماہرین کی تمام کوششیں بے سود ثابت ہو رہی ہیں۔
