اسلام آبا د (مانیٹرنگ ڈیسک )دنیا کی مقبول اسمارٹ فونز کمپنی سام سنگ نے نیا لمیٹڈ ایڈیشن اسمارٹ فون متعارف کرا دیا ہے۔یہ فون اولمپک گیمز کو مدنظر رکھتے ہوئے بنایا گیا ہے ۔ اس کے باہر بلیک باڈی پر اولمپک رنگ بنے ہوئے ہیں۔ اسی طرح زرد رنگ کے دائرے کا فنگر پرنٹ سنسر ہے جبکہ اسپیکر کے بٹنوں کو سبز اور سرخ رنگ میں ڈھالا گیا ہے۔فون میں اولمپکس 2016 کی ایپ بھی موجود ہے جس سے آپ اپ ڈیٹس اور نتائج حاصل کرسکتے ہیں ،کمپنی کا کہنا ہے کہ دنیا بھر میں اس فون کی صرف 2016 ڈیوائسز فروخت کے لیے پیش کی جائیں گی۔اس کی قیمت 850 ڈالرز ہے ۔