واشنگٹن(مانیٹرنگ ڈیسک) سائنسدانوں نے ہمارے نظام شمسی سے بہت دور اب تک کا سب سے بڑا سیارہ دیکھا ہے جو 3700 نوری سال ( لائٹ ایئر) کے فاصلے پر موجود ہے اور یہ ہمارے نظام شمسی کے سیارے مشتری (جوپیٹر) جتنا بڑا ہے۔میڈیارپورٹس کے مطابق ناسا اور سان ڈیاگو اسٹیٹ یونیورسٹی کے ماہرین نے کیپلر دوربین سے اس بڑے سیارے کو دریافت کیا جس کا امریکی فلکیاتی سوسائٹی نے باضابطہ اعلان کیا ہے۔ اگرچہ یہ ایسے مقام پر موجود ہے جو زندگی اور پانی کی موجودگی کے لیے سازگار ہوسکتا ہے لیکن اپنی بڑی جسامت کی بنا پر یہاں زندگی پھل پھول نہیں سکتی۔ اس سیٹلائٹ کو 1647b کا نام دیا گیا ہے۔سیارہ 2 سورجوں کے گرد گھوم رہا ہے جسے ’ ٹیٹونے‘ کا نام دیا گیا ہے جو اسٹار وار فلم سے مستعار لیا گیا ہے۔ اس سے قبل 2011 میں بھی فلکیات دانوں نے 2 سورجوں کے گرد گھومنے والا پہلا سیارہ دریافت کرلیا تھا۔