لاہور (این این آئی)لاہورمیں مردہ جانوروں کی غیر قانونی سپلائی کا سلسلہ تاحال نہ رک سکا۔کینال روڈ پر ٹیک سوسائٹی کے سامنے رکشے سے مردہ بکرے برآمد کرلئے گئے۔ ٹریفک وارڈن نے مشکوک رکشہ روک کر بڑی مقدار میں مردہ بکرے پکڑ لئے۔
رکشے میں لدا مردہ گوشت شہر میں نامعلوم مقام پر منتقل کیا جا رہا تھا، ٹریفک وارڈن نے فوری کارروائی کرتے ہوئے رکشہ ڈرائیور کو حراست میں لے لیا۔ مردہ بکروں سے لدا رکشہ 15پر کال کر کے پولیس کے حوالے کر دیا گیا، واقعہ کے بعد شہریوں میں تشویش کی لہر، فوڈ سیفٹی پر سوالات اٹھنے لگے۔ مردہ گوشت کی ممکنہ فروخت سے انسانی صحت کو شدید خطرات لاحق تھے، شہر میں مردہ گوشت کی ترسیل روکنے کیلئے نگرانی مزید سخت کرنے کا مطالبہ کیا گیا۔
