ممبئی(این این آئی)سابق مسٹر انڈیا اور بھارتی اداکار ورندر سنگھ گھمن دل کا دورہ پڑنے سے انتقال کر گئے۔ بھارتی میڈیا کے مطابق ٹائیگر 3جیسی مشہور فلم میں کام کرنے والے اداکار اور باڈی بلڈر ورندر سنگھ گھمن دل کا دورہ پڑنے سے 41سال کی عمر میں اس دنیا سے رخصت ہوگئے۔ورندر کے منیجر نے بھارتی میڈیا کو بتایا کہ اداکار کو کندھے میں درد محسوس ہو رہا تھا اور وہ علاج کیلئے امرتسر کے ہسپتال گئے تھے۔

اداکار کے بھتیجے نے صحافیوں کو بتایا کہ ورندر کو دل کا دورہ پڑا جس کے باعث ان کا انتقال ہوگیا۔41سالہ ورندر سنگھ نے ٹائیگر 3کے علاوہ Marjaavaan، Kabaddi Once Againجیسی فلموں میں بھی اداکاری کی تھی۔بھارتی میڈیا کے مطابق ورندر سنگھ گھمن نے 2009میں مسٹر انڈیا کا ٹائٹل جیت کر شہرت حاصل کی تھی اور وہ مسٹر ایشیا کے مقابلے میں پہلے رنر اپ رہے تھے۔سلمان خان نے سوشل میڈیا پر بیان جاری کرتے ہوئے ورندر سنگھ کے انتقال پر گہرے دکھ کا اظہار کیا۔