مکوآنہ (این این آئی)تھانہ فیکٹری ایریا کے علاقہ پرتاب نگر میں دوستی نہ کرنے پر نوجوان نے فائرنگ کر کے دوشیزہ کو موت کے گھاٹ اتار دیا، ملزم ہوائی فائرنگ کرتے ہوئے موقع سے فرار ہو گیا، پولیس نے نعش تحویل میں لیکر پوسٹ مارٹم کے بعد ورثاء کے حوالے کر کے قاتل نوجوان کو اسلحہ سمیت گرفتار کر لیا۔بتایا جاتا ہے کہ پرتاب نگر گلی نمبر10 کی رہائشی 20سالہ فاطمہ دختر سرفراز نے اسی محلہ کا نوجوان احمد بُری نظر رکھتا تھا، گزشتہ روز وہ بازار جا رہی تھی کہ راستے میں ملزم احمد نے چھیڑ خانی کی تو لڑکی نے منع کیا تو اس نے فائرنگ کر کے فاطمہ کو گولیاں مار کر موت کے گھاٹ اتار دیا اور فائرنگ کرتا ہوا موقع سے بھاگ گیا۔

واقعہ کی اطلاع ملتے ہی ریسکیو1122 کی ٹیم موقع پر پہنچی تو زندگی کی بازی ہار چکی تھی۔ تاہم پولیس نے نعش تحویل میں لیکر پوسٹ مارٹم کے بعد ورثاء کے حوالے کر دی اور ایس ایچ او فیکٹری ایریا بابر حسین نے اپنی ٹیم کے ہمراہ چھاپہ مار کر قاتل نوجوان احمد کو گرفتار کر کے حوالات میں بند کر کے بازپرس شروع کر دی ہے۔