لاہور ( این این اائی )ہیٹ ویو کے خطرے کے پیش نظر پی ڈی ایم اے پنجاب نے محکمہ سکول ایجوکیشن اور ہائیر ایجوکیشن کو مراسلہ جاری کردیا۔ صوبے بھر کے کمشنر و ڈپٹی کمشنرز کو بھی مراسلہ جاری کیا گیا۔ڈائریکٹر جنرل پی ڈی ایم اے عرفان علی کاٹھیا نے متعلقہ محکموں کو مراسلہ جاری کیا جس کے متن میں کہا گیا ہے کہ سکولوں کے اوقات کار میں ردوبدل اور زیادہ گرمی کی صورت میں جلد موسم گرما کی چھٹیوں کا اعلان کیا جائے۔
سکول اور کالجز میں بلا تعطل صاف اور ٹھنڈے پانی کی دستیابی کو یقینی بنایا جائے۔بچوں کو واضح ہدایات کی جائیں کہ ہلکے، ڈھیلے ڈھالے کپڑے استعمال کریں۔مراسلے میں کہا گیا ہے کہ عارضی طور پر آوٹ ڈور سرگرمیوں پر فی الفور پابندی عائد کی جائے،کلاس رومز کی وینٹیلیشن، پنکھے اور کولنگ سسٹم کو فنکشنل رکھا جائے۔ سکولوں میں ابتدائی طبی امداد کائونٹرز قائم کیے جائیں اور ہیٹ ویو بارے ٹرینڈ سٹاف کو ڈیوٹی پر مامور کیا جائے۔ڈی جی پی ڈی ایم اے نے کہا کہ ڈسٹرکٹ ڈیزاسٹر مینجمنٹ اتھارٹیز کے ساتھ مسلسل رابطہ قائم رکھا جائے تا کہ معلومات کی ترسیل بروقت جاری ہے۔
