کراچی(این این آئی) دوسری شادی کیلئے اجازت مانگنے پر بیوی نے طیش میں آکر شوہر پر چھری سے حملہ کردیا، ملزمہ نے خود بھی اپنی گردن کاٹ لی۔پولیس حکام کے مطابق کراچی کے علاقے منظور کالونی میں خاتون نے اپنے شوہر کی گردن پر اس لیے چھری پھیر دی کہ وہ دوسری شادی کی اجازت مانگ رہا تھا۔
پولیس حکام کے مطابق شوہر کو زخمی کرنے کے بعد خاتون نے خودکشی کرنے کے لئے اپنا گلا بھی کاٹ لیا، دونوں کو زخمی حالت میں جناح اسپتال منتقل کردیا گیا۔پولیس حکام نے بتایاکہ دونوں میاں بیوی کے درمیان اس سے پہلے بھی کئی مرتبہ دوسری شادی کے حوالے سے جھگڑے ہوچکے ہیں۔
