اسلام آباد (این این آئی)سپریم کورٹ نے 6ماہ کی بیٹی اور سسر کے قتل کے ملزم کی عبوری ضمانت منظور کرلی۔جمعہ کو سپریم کورٹ میں چیف جسٹس یحییٰ آفریدی کی سربراہی میں سپریم کورٹ کے 2رکنی بینچ نے دہرے قتل کے ملزم کی ضمانت کیس پر سماعت کی۔عدالت نے ملزم سکندر کی عبوری ضمانت منظور کرتے ہوئے ایک لاکھ روپے کے ضمانتی مچلکے جمع کرانے کا حکم دے دیا۔
عدالت نے ملزم کی والدہ ارم ناز کی ضمانت منسوخی کی درخواست پر نوٹس بھی جاری کر دیا۔واضح رہے کہ ملزم اسکندر پر 6ماہ کی بیٹی اور سسر کو قتل کرنے کا الزام ہے۔ ملزم کی ٹرائل کورٹ اور سندھ ہائیکورٹ نے ضمانت قبل از گرفتاری کی درخواست مسترد کردی تھی۔
