اسلام آباد (این این آئی)وفاقی دارالحکومت کے نجی تعلیمی اداروں کے لیے موسم سرما کی تعطیلات کے شیڈول کا اعلان کردیا گیا۔پرائیوٹ ایجوکیشنل انسٹیٹیوشنز ریگولیٹری اتھارٹی نے وفاقی دارالحکومت کے نجی تعلیمی اداروں میں موسم سرما کی چھٹیوں کے لیے نوٹیفیکیشن جاری کردیا۔

نوٹیفکیشن کے مطابق شہر کے نجی سکولز اور کالجز 21دسمبر سے 5جنوری تک موسم سرما کی تعطیلات کے سلسلے میں بند رہیں گے۔ جنوری کی 6تاریخ سے وفاقی دارالحکومت کے نجی تعلیمی اداروں میں دوبارہ تعلیمی سرگرمیوں کا آغاز ہوجائے گا۔