اسلام آباد (این این آئی)عمران خان کے خلاف توہین الیکشن کمیشن کیس سماعت کیلئے مقرر کرلیا گیا۔نجی ٹی وی کے مطابق الیکشن کمیشن بانی پی ٹی آئی عمران خان کیخلاف توہین الیکشن کمیشن کیس کی سماعت 17دسمبر کو کرے گا، سماعت میں شواہد ریکارڈ کیے جائیں گے۔واضح رہے کہ الیکشن کمیشن کی جانب سے گزشتہ ماہ توہین الیکشن کمیشن کے کیس میں سابق چیئرمین پی ٹی آئی عمران خان کی 17 دسمبر کو وڈیو لنک کے ذریعے حاضری یقینی بنانے کی ہدایت کی گئی تھی۔گزشتہ سماعت میں الیکشن کمیشن نے کہا تھا کہ آئندہ سماعت پر شواہد و گواہوں کے بیان ریکارڈ کیے جائیں گے۔