خانپور (این این آئی)خان پور کے تھانہ صدر کی حدود بستی عباسیاں چک گیارہ پی میں جائیداد کا حصہ نہ دینے پر والدین اور بیٹی کے درمیان جھگڑا ہوا اس دوران بیٹی نے پیٹرول چھڑک کر خود کو آگ لگالی۔ پولیس کے مطابق آگ لگنے سے صفیہ بی بی کا ایک بازو جھلس گیا۔
خاتون کو شدید زخمی حالت میں تحصیل ہیڈ کوارٹرز اسپتال منتقل کردیا گیا۔متاثرہ خاتون نے بتایا کہ میرا بھائی احمد اور والد رب نواز میرے حصے کی جائیداد فروخت کر رہے ہیں، میں نے عدالت سے اسٹے آرڈر لیا ہوا تھا۔صفیہ بی بی اور اس کے شوہر اقرار نے ڈی پی او رحیم یار خان سے اس معاملے کو فوری نوٹس لینے کا مطالبہ کیا ہے۔
