اسلام آباد( این این آئی)وزارت مذہبی امور کی جانب سے حج درخواستوں کی وصولی میں 10دسمبر تک توسیع کر دی گئی جبکہ 3دسمبر تک موصول ہونے والی تمام حج درخواستوں کو کامیاب قرار دے دیا گیا ہے۔سپانسرشپ سکیم میں موصول ہونے والی تمام درخواستیں بھی کامیاب قرار دی گئی ہیں۔

وزیر مذہبی امور چوہدری سالک حسین کے مطابق کوٹہ سے زائد درخواستیں موصول ہونے کی صورت میں قرعہ اندازی کی جائے گی، سمندر پار پاکستانی 10دسمبر تک سپانسرشپ کی رقم لازمی جمع کروا دیں۔انہوں نے کہا کہ سپانسرشپ سکیم میں موصول درخواست گزاروں کو بلا قرعہ اندازی کامیاب قرار دیا جائے گا۔انہوں نے مزید کہا کہ عامزین حج نئی ہدایات کے لیے پاک حج موبائل ایپ ضرور ڈائون لوڈ کر لیں۔