اسلام آباد (این این آئی) وزیر دفاع خواجہ آصف نے کہا ہے کہ تحریک انصاف سے اب کوئی مذاکرات نہیں کریں گے، اسلام آباد کی طرف آنیوالے قافلے سے ہمیں کوئی پریشانی نہیں ہے۔میڈیا سے گفتگو کرتے ہوئے وزیر دفاع خواجہ آصف نے کہا کہ بندوق کی نوک پر کسی سے بھی مذاکرات نہیں کریں گے،تحریک انصاف سے اب کوئی مذاکرات نہیں ہونگے۔
انہوں نے کہا کہ اسلام آباد کی طرف آنیوالے قافلے سے ہمیں کوئی پریشانی نہیں۔ علی امین گنڈاپور پہلے بھی آئے اور اب بھی ان کو آنے دیں، خیبرپختونخوا میں حالات خراب ہیں، لیکن وزیر اعلی خیبر پختونخوا علی امین گنڈاپور کہاں ہیں؟۔خواجہ آصف نے کہا کہ صوبے کے عوام کو انصاف نہ دینے والوں سے کس طرح مذاکرات ہوسکتے ہیں؟، امن وامان کا قیام صوبائی حکومت کی ذمہ داری ہے۔انہوں نے کہا کہ علی امین گنڈا پور جیسے لوگوں کی کوئی ساکھ نہیں ہے۔
