فیصل آباد (این این آئی)فیصل آباد سے بارات کی شکل میں اسلام آباد جانیوالے پی ٹی آئی کے 27کارکنوں کو سرگودھا روڈ پولیس نے گرفتار کر لیا۔پولیس کے مطابق کارکنوں نے گاڑیوں کو پھولوں سے سجایا ہوا تھا، ایک شخص کو دلہا بنا کر اس کی گاڑی فرنٹ پر رکھی ہوئی تھی۔پولیس نے مشکوک جانتے ہوئے گاڑیوں کو روک کر تفتیش کے بعد 27کارکنان کو گرفتار کرلیا،تاہم تین گھنٹے بعد دولہا شادی کا کارڈ لے کر خود سرگودھا روڈ پہنچ گیا۔

دلہے نے کہا کہ ہمارا احتجاج سے کوئی تعلق نہیں، پولیس کو غلط فہمی ہوئی ہے، پولیس نے پی ٹی آئی قافلے کا حصہ سجھ کر بارات کی گاڑیاں روک لیں۔انہوں نے کہا کہ پولیس نے ڈرائیورز سے موبائل فون اور گاڑیوں کی چابیاں لے لیں، گاڑیاں سجا کر بارات کی روانگی کیلئے دولہے کے گھر جارہی تھیں، میری بارات ہائوسنگ سوسائٹی سے امین پور بنگلہ جانی تھی۔