اسلام آباد (این این آئی)پاکستان تحریک انصاف نے جمعے کو ہونے والے ملک گیر احتجاج کو مؤخر کرنے کا اعلان کردیا۔میڈیا سے گفتگو کرتے ہوئے رہنما پی ٹی آئی سلمان اکرم راجا نے کہاکہ عمران خان نے کہا ہے کہ مستقبل اب عوام کیہاتھوں میں ہے، ہم سب کی مائیں، بہنیں اور بیٹیاں ہیں۔

انہوں نے بتایا کہ جس ملک میں قانون نہ ہو وہاں ترقی اور سرمایہ کاری نہیں ہوسکتی، اقتدار پر جعلی طریقے سے قابض یہ دیکھیں کہ ملک کو کہاں لے کر جارہے ہیں، انہوںنے بتایا کہ ہم (آج)جمعہ کا احتجاج مؤخر کرتے ہیں۔سلمان اکرم راجا نے کہا کہ پی ٹی آئی کا لاہور کا جلسہ ہرصورت ہوگا۔بعد ازاں اپوزیشن لیڈر پنجاب اسمبلی ملک احمد بچھڑ نے کہا کہ این اوسی ہو نہ یا ہو لاہور کا جلسہ ہوگا۔واضح رہے کہ گزشتہ روز تحریک انصاف نے ممبر قومی اسمبلی کی احاطہ پارلیمنٹ سے گرفتاری کے خلاف جمعے کو ملک گیر احتجاج کا اعلان کیا تھا۔