راولپنڈی(این این آئی)تحریک انصاف کے بانی چیئرمین کی اہلیہ اور سابق خاتون اول بشریٰ بی بی کو پولیس نے 9مئی مقدمات میں قصوروار قرار دے دیا۔تفصیلات کے مطابق پولیس نے 12مقدمات میں بشریٰ بی بی کے جسمانی ریمانڈ کیلئے درخواست دے دی جس پر انسداد دہشت گردی عدالت نے پولیس درخواست پر بشریٰ بی بی کو (آج)ہفتہ کو طلب کرلیا۔
عدالت نے نیب کی انوسٹی گیشن ٹیم کو بشریٰ بی بی کوآج ہفتہ صبح 8بجے عدالت پیش حکم دیا۔ جسمانی ریمانڈ کے حوالے سے عدالت (آج)ہفتہ کو فیصلہ کرے گی۔پولیس کے مطابق بشریٰ بی بی سے سانحہ نو مئی کیسوں میں ابتدائی تفتیش مکمل کر لی گئی ہے جس میں وہ قصور پائی گئی، بارہ تھانوں کی پولیس کی درخواستوں کی سماعت عدالت کے جج ملک اعجاز آصف نے کی۔بشریٰ بی بی کو تحریک انصاف منحرف راہنماں صداقت عباسی ، واثق قیوم اور عمر تنویر بٹ کے بیانات پر ملزمہ نامزد کیا گیا ہے۔
عدالت نے پولیس سے ابتدائی تفتیش رپورٹ اور ملزمہ کے ملوث ہونے کے شواہد بھی مانگ لیے، بشریٰ بی بی کو جی ایچ کیو ، گیٹ 4 ،ارمی میوزیم پر حملہ کیسوں میں نامزد کیا گیا۔ پولیس نے بشری بی بی کو مری روڈ حساس ادارے کے دفتر پر حملے، میٹرو اسٹیشن جلانے، صدر میں حساس عمارت جلانے کیس میں بھی نامزد کیا گیا ہے۔اس کے علاوہ بشریٰ بی بی کو مری روڈ، ٹیکسلا، حضرو اٹک میں میں بھی گھیرائو جلا ئوتوڑ پھوڑ کیسوں میں نامزد کیا گیا ہے۔
