اسلام آباد (این این آئی)امریکی سفارتخانے نے پاکستانیوں کیلئے ویزا اپوائنٹمنٹ کے وقت میں کمی کردی۔ذرائع امریکی سفارتخانہ کے مطابق پاکستانیوں کیلئے سیاحتی، تعلیمی اور کاروباری ویزا اپوائنٹمنٹ کیلئے وقت دوپہر ڈھائی بجے تک کردیا گیا ہے اس سے قبل ویزا اپوائنٹمنٹ کا وقت 4 بجکر 40 منٹ تھا۔

ذرائع سفارتخانہ کے مطابق ویزا اجراء میں پاکستانی طلباء کو ترجیح دی جا رہی ہے،اسلام آباد اور کراچی کے درمیان ماہانہ 10ہزار ویزا درخواستیں پراسیس کی جا رہی ہیں، تاہم ویزا مسترد کئے جانے کی تفصیلات نہیں دے سکتے۔ذرائع امریکی سفارتخانہ کے مطابق پچھلے سال ریکارڈ تعداد میں پاکستانیوں کو ویزے جاری کیے گئے ہیں۔