لاہور (این این آئی) چیئرمین مرکزی رویت ہلال کمیٹی مولانا عبدالخبیر آزاد پورے ملک میں ایک ہی روز عیدالفطر کیلئے محترک ہوگئے۔ ایک بیان میں مولانا عبدالخبیر آزاد نے کہا ہے کہ رمضان المبارک کا آغازایک ہی روز ہوا ہے ،انشا اللہ شہادت کے مطابق عیدالفطر بھی ایک ہی روز ہوگی۔

چیئرمین مرکزی رویت ہلال کمیٹی نے کہا کہ اس حوالے سے وہ تمام مکاتب فکر کے علماء سے رابطے میں ہیں۔انہوں نے مزید کہا کہ ہمارا گھرانہ 50 سال سے دین کی خدمت کر رہا ہے۔محکمہ موسمیات کے مطابق نئے چاند کی پیدائش 8 اپریل کو رات 11 بج کر 21 منٹ پر ہوگی اور 9 اپریل کو چاند کی عمر 19 سے 20 گھنٹے ہو جائے گی۔