سرگودھا (این این آئی)سرگودھا میں پسند کی شادی نہ ہونے پر لڑکی نے خودکشی کرلی۔پولیس کے مطابق یہ واقعہ سرگودھا کے علاقے سلانوالی میں پیش آیا جہاں 19 سالہ لڑکی نے پسند کی شادی نہ ہونے پر خودکشی کی۔پولیس کے مطابق لڑکی کے والد نے لڑکی کو مبینہ طورپرتشددکا نشانہ بھی بنایا تھا جس کے بعد اس نے یہ انتہائی قدم اٹھایا تاہم معاملے کی تحقیقات کی جارہی ہیں اور فوری طور پر کسی کے خلاف مقدمہ درج نہیں کیا گیا ہے۔
دوسری جانب چیچہ وطنی کے نواحی گائوں میں 7 سالہ بچی کو مبینہ زیادتی کا نشانہ بنایا گیا۔پولیس کے مطابق بچی کو زیادتی کا نشانہ بنانے والا شخص اس کا رشتے دار ہے جس کے خلاف مقدمہ درج کرکے اسے گرفتار کرلیا گیا ہے۔
