اٹک (این این آئی) اٹک جیل حکام نے کہا ہے کہ چیئرمین پی ٹی آئی سزا یافتہ قیدیوں والے کپڑے پہنیں گے یا نہیں اس کا فیصلہ حکومت کرے گی۔ تفصیلات کے مطابق توشہ خانہ کیس میں گرفتار چیئرمین پی ٹی آئی کی اٹک جیل ملاقات کیلئے شیڈول تیار کرلیا گیا ہے،چیئرمین پی ٹی آئی نے ابھی تک اپنے عزیز و اقارب کے 6 فون نمبر نہیں دیئے ہیں۔جیل حکام کے مطابق سربراہ پی ٹی آئی کو ہفتے میں 4 بار 20 منٹ بات کرنے کی اجازت دی جائے گی،پی ٹی آئی کو بی کلاس کے مطابق مراعات فراہم کردی گئی ہیں اور انہیں جیل مینیو کے مطابق کھانا فراہم کیا جارہا ہے۔جیل حکام نے کہا ہے کہ ابھی تک سابق وزیراعظم اپنے کپڑے استعمال کررہے ہیں، سزا یافتہ قیدیوں والے کپڑے پہنیں گے یا نہیں فیصلہ حکومت کرے گی، جیل کپڑوں سے اگر انہیں الرجی محسوس ہوئی تو وہ اپنے کپڑے استعمال کریں گے۔