مکوآنہ (این این آئی)حکومت کی طرف سے جاری کردہ ایل پی آر میںترمیمی نوٹیفکیشن جس میں سرکاری ملازمین کو ریٹائرمنٹ پر دی جانے والی مراعات میں کمی کر دی گئی ہے۔ جس سے صوبہ بھر کے تمام سرکاری ملازمین متاثر ہوں گے۔

اس سلسلہ میں ایوب زرعی تحقیقاتی ادارہ فیصل آباد میں حاجی محمد ارشاد چوہدر ی مرکز ی و صوبائی صدر ایپکا پاکستان کی اپیل پر چوہدری عبدالعزیز بھٹی صوبائی ڈپٹی سیکریٹری جنرل ایپکا،پنجاب، رانا سجاد احمد خاں،ڈویژنل صدر ایپکا فیصل آباد،احمد نواز بلوچ، ڈویژنل سرپرستِ اعلیٰ ، مختار حسین بلوچ، ڈویژنل سیکریٹری جنرل فیصل آباد پنجاب کی زیر قیاد ت سرکاری ملازمین کا احتجاجی اجلاس منعقد ہوا ۔ اجلاس میںحکومت پنجاب سے مطالبہ کیا گیا کہ اس نوٹیفکیشن کو فی الفور واپس کیا جائے اور ملازمین کو مسلسل احتجاج کرنے پر مجبور نہ کیا جائے۔

بروز بدھ 14 جون 2023سے مطالبات کی منظوری تک تمام سرکاری دفاتر میں مکمل تالہ بندی و ہڑتال جاری رہے گی۔ اجلاس میں یہ بھی فیصلہ کیاگیا کہ کل بروز بدھ مورخہ 14-06-2023کوصبح 10:30بجے ایوب زرعی تحقیقاتی ادارہ فیصل آباد کے شعبہ ریسرچ انفارمیشن سے احتجاجی ریلی کاآغاز کیا جائے گا اور یہ ریلی مختلف شعبوں سے گزرتی ہوئی جھنگ روڈ (بوہڑ چوک)پر اختتام پذیر ہو گی جس میںایوب زرعی تحقیقاتی ادارہ فیصل آباد کے علاوہ فیصل آباد کے مختلف شعبوں سے ملازمین (افسران و ماتحت عملہ) کثیر تعداد میں شرکت کریں گے ۔