لاہور(این این آئی)وسطی اور جنوبی پنجاب سے 15سیاسی شخصیات نے پاکستان پیپلزپارٹی کے چیئرمین بلاول بھٹو زرداری سے ملاقات کے بعد شمولیت کا اعلان کر دیا۔پیپلزپارٹی میں شامل ہونے والوں میں پی پی 101 فیصل آباد سے شمشیر خان وٹو، پی پی 96 چنیوٹ سے ڈاکٹر فخر النسا ء، پی پی 73 سے زاہد غوری اور سہیل الیاس، سرگودھا سے کاشف ممتاز گجر نے شمولیت اختیار کی۔
اس موقع پر مرکزی سیکرٹری جنرل نیئر حسین بخاری، جنرل سیکرٹری وسطی پنجاب سید حسن مرتضی، مرکزی رہنما ندیم افضل چن،کسان ونگ کے صدر عنایت علی شاہ اور احسن رضوی سمیت دیگر بھی موجود تھے۔جنوبی پنجاب سے وہاڑی سے سابق رکن قومی اسمبلی آفتاب خان کھچی، شہزاد احمد خان کھچی، سابق رکن پنجاب اسمبلی افضل خان کھچی اور طاہر خان کھچی، بہاولنگر سے (ق)لیگ کے صاحبزادہ عابد مہاروی، اکرم خان کانجو نے، لودھراں سے سابق رکن پنجاب اسمبلی علی خان کانجو، میاں محمد علی پیرزادہ اور پی پی 129 سے محمد نوازش علی خان نے بلاول بھٹو زرداری سے ملاقات کر کے شمولیت کا اعلان کیا۔
