اسلام آباد(مانیٹرنگ ڈیسک )پاکستان تحریک انصاف کے رہنما و سابق گورنر پنجاب عمر سرفراز چیمہ نے کہا ہے کہ پلیٹ میں پاسپورٹ رکھ کر بھی نہ لینے والی مریم نواز پاسپورٹ ملنے کے بعد چوبیس گھنٹے سے پہلے بیرون ملک روانہ ہو گئیں۔ مشیر اطلاعات پنجاب عمر سرفراز چیمہ نے کہا ہے کہ پی ٹی آئی نسل در نسل شریف فیملی کا گزشتہ 26سال سے ڈٹ کر مقابلہ کر رہی ہے ۔ان کے بزرگ این آر او 1 کے ذریعے سارے کیسز ختم کروا کر ایک ڈیل کے تحت سعودی عرب بھاگے، اب این آر او 2 میں بچے اور بزرگ دونوں مستفید ہو رہے ہیں۔انکا مزید کہنا تھا کہ عوام عمران خان کی کال پر مہنگائی کیخلاف اور حق کیلئے لبیک کہنے کیلئے تیار ہیں ، قوم چوروں اور ڈاکوں کیخلاف عمران خان کا بھرپور ساتھ دے گی ڈٹ کر کھڑی ہے ۔