لاہور(این این آئی) لاہور میں روٹی اور نان کی قیمت میں اضافے کے خلاف پنجاب اسمبلی میں قرارداد جمع کروادی گئی ۔مسلم لیگ (ن)کی رکن حناپرویز بٹ کی جانب سے

جمع کرائی گئی قرار داد کے متن میں کہاگیاہے کہ نان بائی ایسوسی ایشن نے ازخود ہی روٹی اور نان کی قیمت میں اضافہ کردیا ہے۔ایسوسی ایشن نے روٹی کی قیمت 12 سے 15روپے اور نان کی قیمت 20 سے 25 روپے کردی گئی ہے۔گندم اور آٹے کی قیمت میں مسلسل اضافے سے نان اور روٹی مہنگی ہو رہی ہے۔حکومت فلور ملز کو نہ مطلوبہ مقدار میں گندم دے رہی ہے اور نہ آٹے کے سرکاری ریٹس پ ر عملدرآمد کرارہی ہے۔حکومت گندم اور آٹے کے مقرر کردہ ریٹ پر فروخت یقینی بنانے میں ناکام نظر آرہی ہے۔ قراردادمیں مطالبہ کیاگیا کہ روٹی اور نان کی قیمتوں میں اضافے کا فوری نوٹس لیا جائے اورفلو ملز کو گندم فراہم کی جائے اور نان بائی ایسوسی ایشن کے جائز مطالبات حل کیے جائیں۔