لاہور( این این آئی)وفاقی وزارت صحت کی جانب سے5 سے 11 سال کی عمر کے بچوں کے لیے کورونا ویکسین مہم کا آغاز آج( پیر) سے ہو گا۔5 سے 11 سال تک کے بچوں کیلئے مہم 19 سے 24 ستمبر تک چلائی جائے گی۔پہلے مرحلے میں اسلام آباد، پنجاب اور سندھ میں ویکسی نیشن ہوگی، اگلے مرحلے میں ملک کے دیگر حصوں میں مہم شروع ہوگی۔تحقیق کے مطابق 5 سے 11 سال کی عمر کے بچوں کو بھی کورونا خطرات لاحق ہیں۔وفاقی وزیر صحت عبدالقادر پٹیل نے کہا کہ بچوں کے ذریعے دوسروں کو بھی خطرات لاحق ہو سکتے ہیں، عالمی ہدایات اور نتائج کے بعد ریسرچ کو مدنظر رکھ کر مہم شروع کی جا رہی ہے۔وزیر صحت عبدالقادر پٹیل نے والدین سے اپیل کی کہ بچوں کی صحت کیلئے مہم میں بھرپور حصہ لیں۔