اسلام آباد(این این آئی)پاکستان تحریک انصاف کے رہنما اسد عمر نے کہا ہے کہ عدلیہ مخالف بیان پر عمران خان معذرت کرلیں تو کوئی نقصان نہیں ہوگا۔اپنے ایک بیان میں اسد عمر نے کہا کہ عدلیہ مخالف بیان پر عمران خان معذرت کر لیں تو ان کی سیاست پر کوئی فرق نہیں پڑیگا اور نہ ہی کوئی نقصان ہوگا تاہم یہ کہنے یا نہ کہنے کا فیصلہ عمران خان کے وکلا کریں گے۔تحریک انصاف کے رہنما کے مطابق پی ٹی آئی کا موقف واضح ہے کہ جو حکومت تبدیل کی گئی اس میں براہ راست پی ڈی ایم کے چند سیاستدان شامل تھے، باہر بیٹھ کر اس کی منصوبہ بندی کی گئی اور بیرونی تعلقات استعمال کیے گئے۔ رہنما پی ٹی آئی نے کہاکہ اس میں واضح بیرونی مداخلت نظر آئی ہے، پی ٹی آئی میں بہت سے لوگوں کا یہ خیال بھی ہے کہ اسٹیبلشمنٹ اگر ہمارا ساتھ دیتی تو یہ تبدیلی نہ ہوتی۔