لاہور( این این آئی)لاہور ہائیکورٹ نے فیول ایڈ جسٹمنٹ ٹیکس منہا کر کے باقی بل جمع کرانے کا حکم دیدیا جبکہ عدالت نے وفاقی حکومت ، ایف بی آر لیسکو سمیت دیگر فریقین کو نوٹس جاری کرتے ہوئے جواب طلب کر لیا ،عدالت نے 14 ستمبر کو اسی نوعیت کی تمام درخواستیں یکجا کرکے مقرر کرنے کا حکم دے دیا ۔ لاہور ہائیکورٹ کے جسٹس شاہد وحید نے محمد صادق سمیت دیگر کی درخواستوں پر سماعت کی ۔ درخواست میں موقف اپنایا گیا کہ وفاقی حکومت نے بلوں میں فیول ایڈجسٹمنٹ کی منظوری دی ،فیول ایڈ جسٹمنٹ کی وجہ سے بجلی کے نرخوں میں اضافہ ہو،بجلی میں فیول ایڈجسٹمنٹ قانونی تقاضوں کے مطابق نہیں ۔ استدعا ہے عدالت بجلی کے بلوں میں فیول ایڈجسٹمنٹ کو غیر قانونی قرار دے کر کالعدم قرار دے۔