اسلام آباد( آن لائن) بغاوت پر اکسانے کے الزام میں گرفتار عمران خان کے چیف آف سٹاف شہباز گل نے ڈاکٹروں کے اصرار پر ناشتہ کر لیا ،ان کی پمز اسپتال میں کھانا کھاتے ہوئے
ایک اور ویڈیو بھی جاری کردی گئی ہے۔نئی ویڈیو میں بھی شہباز گل ڈاکٹرز سے تکرار کرتے نظر آرہے ہیں۔ شہباز گل کہہ رہے ہیں کہ میں نے ناشتہ کر لیا، زیادہ نہ کھلاؤ، آپ بھی اتنا ہی کھاتے پیتے ہو، اب آپ کو پیچھے سے حکم ملا ہے تو یہ کررہے ہیں۔
شہباز گل نے کہا کہ میں بطور احتجاج کھا رہا ہوں، آپ زبردستی کررہے ہیں، میری مرضی ہے کہ میں نے کھانا کھانا ہے یا نہیں، میں شوگر کا مریض ہوں،
جوس نہیں پی سکتا، دلیہ کھا لیا، جوس پی لیا اور نہیں کھا سکتا، میں لسی نہیں پی سکتا، پیٹ خراب ہوجاتا ہے۔ پھر بھی شہباز گل نے کیلے بھی کھا لئے۔
شہباز گل نے کہا کہ آپ نے مجھے پکڑ کر میری داڑھی صاف کرا دی،یہ درست نہیں ہے، یہ میرے ساتھ زبردستی کررہے ہیں،آپ ہراساں کرکے مجھے کھلا رہے ہیں۔
